Home / ئسپانيا / سەرۆكى بارشەلۆنە باسى جێهێشتنى لاليگا دەكات..

سەرۆكى بارشەلۆنە باسى جێهێشتنى لاليگا دەكات..

جۆسيپ ماريا بارتۆميۆى سەرۆكى يانەى بارشەلۆنە نەيشاردەوە كە يانەكەيان ئەگەرى زۆرە لە خولى ئسپانيا دوربكەوێتە ئەويش دواى ئەوەى كەتەلۆنيا سەربەخۆى خۆى بەدەستبهێنێت, ئەم دۆخەش بۆ هەريەكە لە يانەكانى ئسپانيۆل و جيرۆنا هەما چارەنووسە.

ئەم لێدوانەى بارتۆميۆ دواى ئەوە هات كە سەرەتاى ئەم مانگە خەڵكى هەرێمى كەتەلۆنيا بە رێژەى زياتر لە ٩٠% دەنگيان لەسەر سەربەخۆ بوونى هەرێمەكەيان و جيابوونەوەى لە ئسپانيادا, بەڵام حكومەتى ئسپانيا تا ئێستاش دانى بەو گشتپرسيە نەناوە.

دواى كۆبوونەوەى لە گەڵ دەستەى كارگێرى يانەكەيدا بارتۆميۆ لە لێدوانێكى بۆ رۆژنامەنووسان ئاشكراى كرد: لە حاڵەتى سەربەخۆبوونى كەتەلۆنيا, ئەوا پێويستە يانەكە و ئەندامەكانى كۆببنەوە و گفتوگۆ بكەن لەسەر ئەو خولەى كە دەبێت بەشدارى تێدا بكەين.

وتيشى: ئێمە بە دۆخێكى قورسدا تێدەپەرين, كاتێكى ئاڵۆزە, نازانين لە داهاتوو چى دەگوزەرێت, هەوڵ دەدەين بريارێكى گونجا و ژيرانە بدەين”.

جێگاى باسە هەرچەندە گشتپرسى كەتەلۆنيەكان نوێ نيە, بەڵام ئەم ساڵ بەهۆى ئەوەى پۆليس رێگرى كرد و ئازارى ٨٤٠ دەنگەدەريداوە بارودۆخەكە هەستيار بوە و دەنگدانەوەيەكى گەورەى بەدواى خۆيدا هێناوە.

Leave a Reply

دڵنيابە ئيمەيڵەكەت بە نهێنى دەمێنێتەوە. Required fields are marked *

*

x

هەواڵێكى تر..

خشتەو كاتى ياريەكانى ئەمرۆ يەك شەمە..

ئەمرۆ يەك شەمە ٢٢/١٠/٢٠١٧ لە چەندين كاتى جياوازدا چەندين يارى گرنگ و بە هێز لە ...