خەلاتى باشترينەكانى فيفا٢٠١٧ ا كاتى مەراسيمەكە و پاڵێوراوەكان, چەندين زانيارى تر..

ئەم شەو فيفا ناوى باشترينەكانى ٢٠١٧ ئاشكرا دەكات, پێدەچێت لە ئاستى پياوان و ئافرەتان ئەم شەو رۆناڵدۆى پرتوگالى و هێرشبەرى يانەى رياڵ مەدريد و كارلى لويدى ئەمريكى و ئەستێرەى هيوستۆن داس پاڵێوراوى سەرەكى بن بۆ پارێزگارى كردن لەسەر نازناوەكەيان كە وەرزى رابردوو بەدەستيان هێنا.
مەراسيمەكە لەلايەن فيفا ساڵانە ئەنجام دەدرێت و ئەم شەو لە لەندەنى پايتەختى ئنگلتەرا بەرێوەدەچێت, پێشتر خەڵاتى باشترينەكان لەلايەن فيفا و گۆڤارى فرانس فوتبۆڵ بە هاوبەشى دابەشدەكرا بەڵام لە ئێستادا ئەوە ساڵى دووەمە كە فيفا و گۆڤارە بەناوبانگەكەى جيهان هەريەكە و لاى خۆيەوە ئەو خەڵاتە دابەشدەكات.

هەوڵدەدەين لێرەوە ئەو زانياريانەى پێويستە بۆتانى بخەينە روو.

باشترين خەڵاتى فيفا چيە؟

باشترين خەڵاتى فيفا بۆ تۆپى پێى ئەو خەڵاتانەيە كە ساڵانە يەكێتى تۆپى پێى جيهانى دەيدات بە باشترين ياريزانەكان و راهێنانەكان.

لە ساڵى ٢٠١٦ دواى جيابوونەوەى گۆڤارى فرانس فوتبۆڵ و كۆتايى هاتنى گرێبەستەكەى نێوانيان فيفا هەستا بە دانانى خەڵاتى باشترينەكانى ساڵ ئەمەش وەك جێگرەوەى خەڵاتى تۆپى ئاڵتوونى كە ئێستا فرانس فوتبۆڵ خۆى بە تەنها و بە بێ هاوبەشى هيچ كۆمپانيا يان سپۆنسەرێك دابەشى دەكات, كە هەريەكە لە كريستيانۆ رۆناڵدۆ لە ئاستى پياوان و كارلى لويد لە ئاستى خانمان يەكەم براوەكانن.

كاتى ئەنجامدانى مەراسيمى دابەشكردنى خەڵاتى باشترينەكانى ٢٠١٧ى فيفا:

رۆژى دوو شەمە كە دەكاتە ٢٣ى ١٠ى ٢٠١٧ كاتژمێر ٨:٣٠ شەو بەكاتى هەرێمى كوردستان, فيفا لە مەراسيمێكى ناوازەدا لە هۆڵى پالاديۆن بلۆمزى لە لەندەنى پايتەختى ئنگلتەرا خەڵاتى باشترينەكانى ساڵى ٢٠١٧ دەلەخشێتەوە.

خەڵاتە تاكەكەسيەكان چين..؟

بريتين لە (باشترين ياريزانى ساڵ بۆ پياوان و خانمان, باشترين راهێنەرى ساڵ بۆ پياوان و خانمان, باشترين گۆڵپارێزى ساڵ), لەگەڵ ئەوەشدا خەڵاتى گۆڵى خاوێن و باشترين هاندەر و خەڵاتى پۆشكاش كە خەڵاتى جوانترين گۆڵى ساڵە, لەگەڵ خەڵاتى (فيفا پرۆ) باشترين پێكهاتەى ساڵ.

چۆن ياريزانان دەستنيشان كران..؟

چەندين ئەستێرەى تۆپى پێ كە پێكهاتوون لە مارادۆنا و كافۆ و كارليس پوێل لە ئاستى پياوان ٢٤ ياريزان دەستنيشان كرا و لە نێوان رۆژانى ٢١ى ئاب تا ٧ى ئەيلوول لەلايەن راهێنەرانى هەڵبژاردە نشتمانيەكان و دەزگا راگەياندن و هاندەرە ديارى كراوەكان يەكەم قۆناغى دەنگدان ئەنجامدرا, بە شێوەيەك كە هەر چوار دەستەكە بۆيان نەبوو دەنگ ياريزانانى وڵاتەكانيان بدەن.

وە لە رۆژى ٢٢ى ئەيلول ليستى كۆتايى پاڵێوراوانى باشترينەكانى ساڵى ٢٠١٧ راگەيەندرا و كە بريتين لە هەريەكە لە (رۆناڵدۆ, نيمار, ميسى).

لە ئاستى خانمانيش هەريەكە لە (كالى لويد, دينا كاستيانوس, ليكى مارتينس) دەستنيشان كران, ئەويش دواى ئەوەى كە لەلايەن چەندين ئەستێرەى پێشووى تۆپى پێى خانمان ١٠ ياريزان دەستنيشان كرا و دواتر لەلايەن راهێنەرانى هەڵبژاردە نشتمانيەكان و دەزگا راگەياندن و هاندەرە دياريكراوەكان دەنگدان كرا و ليستەكە كەمكرايەوە بۆ سێ پاڵێوراو.

چۆن راهێنەران دەستنيشان كران..؟

لە ئاستى پياواندا لەلايەن هەمان ليژنە كە پێكدێن لە (مارادۆنا و كافۆ و پيۆڵ) ١٢ راهێنەر دەستنيشان كرا و دواتر بە هەمان شێوەى پێشوو دەنگيان لەسەر دراو كەمكرايەوە بۆ سێ راهێنەر كە بريتين لە (زەيدان, كۆنتى, ئەلێگرى).

لە ئاستى خانمانيش هيچ نەگۆراوە و لەلايەن ليژنەيەكى دياريكراوەوە ١٠ راهێنەر دەستنيشان كرا و دواتر بە هەمان شێوەى پێشوو دەنگيان لەسەر دراو كەمكرايەوە بۆ سێ راهێنەر كە بريتين لە (جێرارد بريشۆ, نيلس نيلسن, سارينا فيگمان).

باشترين گۆڵپارێزى ساڵ

سەبارەت بە ديارى كردنى باشترين گۆڵپارێز, ئەم ساڵ جياواز بوو چونكە فيفا ليژنەيەكى ١١ كەسى لە باشترين گۆلپارێزەكانى پێشوو راسپارد بۆ دەستنيشان كردنى باشترين گۆڵپارێزەكان, وە لە ٢٢ى ئەيلوول سێ گۆڵپارێز ديارى كران وەك قۆناغى كۆتايى كە پاڵێوراون بۆ بەدەستهێنانى خەڵاتى باشترين گۆڵپارێزى ساڵ ئەوانيش بريتين لە (بوفۆن, ناڤاس, نوێر).

خەڵاتى تيپى فيفا پرۆ:

لەگەڵ خەڵاتە تاكە كەسيەكاندا پێكهاتەى تيپى فيفا پرۆ دەستنيشان دەكرێت كە ١١ باشترين ياريزانن لە جێگاكانى نێو ياريگا.

دامەزراوەى فيفا پرۆ بۆچوونى ٢٥ هەزار ياريزانى وەرگرت سەبارەت بە باشترين گۆڵپارێز و باشترين چوار بەرگريكار و ٣ ياريزانى ناوەراست و ٣ هێرشبەر بۆ پێكهاتەى ساڵى ٢٠١٦ – ٢٠١٧, لە ليستەكەدا ٥٥ ياريزان ديارى كران و لە ٢٠ ئەيلوول ناوەكانيان ئاشكرا كرا كە ١٣ ياريزانيان لە يانەى رياڵ مەدريدى پاڵەوانى ئەوروپايە و بەمەش ئسپانيا ژمارەيەكى پێوانەيى تۆمار كرد.

لە ليستەكەدا ٥ گۆڵپارێز و ٢٠ بەرگريكار و ١٥ ياريزانى ناوەراست و ١٥ هێرشبەر بوونى هەيە, وە هەريەكە لە بوفۆن و رۆناڵدۆ تاكە دوو ياريزانن كە لە خەڵاتى پێكهاتەى فيفا پرۆى ٢٠٠٤-٢٠٠٥ تا ئێستا بوونيان هەيە.

ليستەكەش بەم شێوەيە:

گۆڵپارێز/

(جانۆلويجى بوفۆن “ئيتاليا / يوڤانتۆس”، داڤيد دىخيا “ئسپانيا / مانچستەر يونايتد”، مانوێل نوێر “ئەلمانيا / بايرن ميونخ”، يان ئۆبلاك “سلۆڤينيا / ئەتلەتيكۆ مەدريد”، كيلۆر ناڤاس “كۆستاريكا / ريال مەدريد”.

بەرگريكار/ 

(دافيد ئەلابا “نەمسا / بايرن ميونخ”، جۆردى ئەلبا “ئسپانيا / بارشەلۆنە”، دانى ئەلڤێس “بەرازيل / يوڤانتۆس, پاريس سانجيرمان”، جيرۆم بواتينگ “ئەلمانيا / بايرن ميونخ”، ليوناردۆ بۆنۆچى “ئيتاليا / يوڤانتۆس، ميلان”، دانى كارڤەخال ئسپانيا / ريال مەدريد”، جۆرجيۆ كيلينى ئيتاليا / يوڤانتۆس”، ديێگۆگۆدين “ئۆرۆگواي / ئەتلەتيكو مەدريد”، ماتس هۆملس “ئەلمانيا / بايرن ميونخ” فيليپ لام ئەلمانيا / بايرن ميونخ”، داڤيد لويز “بەرازيل / چێڵسى”، مارسيلۆ “بەرازيل / ريال مدريد”، خافێر ماسكێرانۆ “ئەرجەنتين / بارشەلۆنە”، پيپى پرتوگال / ريال مدريد، بيشكتاش”، جێرارد پيكێ “ئسپانيا / بارشەلۆنە”، سيرجيۆ رامۆس “ئسپانيا / ريال مدريد”، تياگۆ سيلڤا “بەرازيل / پاريس سانجێرمان”، صامويل ئۆمتيتى “فەرەنسا / بارشەلۆنە”، أنتونيو فالنسيا “ئيكوادۆر / مانچستەر يونايتد”، رافائێل ڤاران “فەرەنسا / ريال مدريد”.

ناوەراست/

تياگۆ ئەلكانتارا “ئسبپانيا / بايرن ميونخ”، سيرجيۆ بۆسكێس “ئسپانيا / بارشەلۆنە”، كاسيميرۆ “بەرازيل / ريال مەدريد”، فيليپى كۆتينيۆ “بەرازيل / ليڤەرپول”، ئدين هازارد “بەلجيكا / چێڵسى”، ئەندريس ئنيستا “ئسپانيا / بارشەلۆنە”، ئيسكۆ “ئسپانيا / ريال مدريد”، نگۆلۆ كانتى “فەرەنسا / چێلسى”، تۆنى كروس “ئەلمانيا / ريال مدريد”، نيمانيا ماتيچ “صربيا / چێڵسى، مانچستەريونايتد”، لۆكا مۆدريچ “كرواتيا / ريال مدريد”، مەسعود ئۆزيل “ئەلمانيا / ئارسنال”، پۆل پۆگبا (فەرەنسا / مانچستەريونايتد”، ماركۆ ڤێراتى “ئيتاليا / پاريس سانجيرمان”، ئارتورۆ ڤيدال “شيلى / بايرن ميونخ”.

هێرشبەر/

گاريس بەيل “ويلز / ريال مدريد”، كەريم بنزيمە “فەرەنسا / ريال مدريد”، ئيديسۆن كاڤانى “ئۆرۆگواى / پاريس سانجيرمان”، كريستيانۆ رۆنالدۆ “پرتوگال / ريال مدريد”، پاولۆ ديبالا “ئەرجەنتين / يڤانتۆس”، ئەنتوان گريزمان “فەرەنسا/ ئەتلەتيكۆمدريد، زلاتانۆئيبراهيم ئۆڤيچ “سويد / مانچستەريونايتد”، هارى كين “ئنگلتەرا / تۆتنهام”، روبێرت ليڤاندۆسكى “پۆڵەندا / بايرن ميونخ”, رۆميلو لۆكاكۆ “بلجيكا / ئيڤەرتۆن، مانچستەريونايتد، كيليان مباپى “فەرەنسا / مۆناكۆ، پاريس سانجيرمان، ليۆنێل ميسى “ئەرجەنتين/ بارشەلۆنە”، نيمار “بەرازيل / بارشەلۆنە، پاريس سانجيرمان”، ئەلێكسيس سانچێز شيلى / ئارسنال”، لويس سواريز “ئۆرۆگواى / بارشەلۆنە”.

خەڵاتى پۆشكاش (جوانترين گۆڵى ساڵ):

فيفا ليژنەيەكى پێكهێنا بۆ ديارى كردنى جوانترين گۆڵى ساڵ ليژنەكەش لە هەريەكە لە (ئالان شيرەر و هێنريك لارسۆن و بريدراج مياتۆڤيچ) پێك دێن, كە لە ٢٢ى ئەيلوولى ئەم ساڵ لە نێو هەزاران گۆڵى پێشنيار كرا و ئەو گۆڵانە ديارى بكەن كە پاڵێوراون بۆ بردنەوەى خەڵاتى پۆشكاش توانيان ليستێك كە لە ١٠ گۆڵ پێكهاتەوە وەك قۆناغى يەكەم دەستنيشان بكەن لە قۆناغى دووەميش كە كە ٩ى ئەم مانگە بوو فيفا لە پێگەى فەرمى خۆيەوە دواين سێ گۆڵى ئاشكرا كرد كە گۆڵەكانى (ئۆليڤەر جيرۆ, دينا كاستيانۆس, ئۆسكارين ماسولۆكى), ئەم شەو يەكێك لەو گۆڵانە دەبێتە براوەى خەڵاتى پۆشكاش (جوانترين گۆڵى ساڵى ٢٠١٧).

خەڵاتى باشترين هاندەر:

ليژنەيەكى شارەزا لە هەريەكە لە (جاى جاى ئۆكۆشا, كارلۆس ڤالدريما, خۆرخێ كامبۆس) پێكهێنرا بۆ ئەوەى باشترين هاندەرەكانى ساڵ ديارى بكەن, توانيان هەريەكە لە هاندەرانى (بروسيا دۆرتمۆند, سێڵتيك, كۆبنهاگن) ديارى بكەن.

نيشاندانى زياتر

كۆمێنتت چيە..؟

This site uses Akismet to reduce spam. Learn how your comment data is processed.