Home / كوردستان / ڕاهێنه‌ری شیروانه‌ پشتیوان به‌خوا سبه‌ی دڵی هانده‌رانی یانه‌كه‌ خۆش ده‌كه‌ین

ڕاهێنه‌ری شیروانه‌ پشتیوان به‌خوا سبه‌ی دڵی هانده‌رانی یانه‌كه‌ خۆش ده‌كه‌ین

بڕیاره‌ سبه‌ی پێنج شه‌مه‌ له‌ درێژه‌ی یاریه‌كانی خولی نایابی فاست لینكی كوردستانداو له‌ نێو یاریگای شێروانه‌ هه‌ردوو یانه‌ی شێروانه‌و زێره‌ڤانی ڕووبه‌ڕوی یه‌ك ببنه‌وه‌،ئێواره‌ی ئه‌مڕۆ چوارشه‌مه‌ كۆنگره‌یه‌كی ڕۆژنامه‌وانی بۆ ڕاهێنه‌رو یاریزانانی هه‌ردوو یانه‌ ئه‌نجامدرا كه‌ هه‌ریه‌كه‌یان باسی ئاماده‌كاریه‌كانیان كرد بۆ یاری ڕۆژی پێنج شه‌مه‌.
سه‌ره‌تا ڕاهێنه‌ری یانه‌ی زێره‌ڤانی غه‌زوان وتی سوپاس بۆ ئێوه‌ سه‌باره‌ به‌یانه‌ی ئێمه‌و هاتنمان بۆ كه‌لار جێگه‌ی دڵخۆشیه‌ چونكه‌ چه‌ندین یاری به‌هێز و خۆشم له‌م یاریگایه‌ بینیوه‌ هه‌روه‌ها ئه‌وه‌شی وت كه‌ هانده‌رانی شێروانه‌ هانده‌ری ڕۆشنبیرن و زیاتر خولی كوردستانیان خۆشتر و جوان تر كردووه‌ و هه‌ریانه‌یه‌ك دێته‌ یاریگاكه‌یان ڕێزی لێ ئه‌گرن ڕاهێنه‌ره‌كه‌ی زێره‌ڤانی زیاتر دوواو وتی هانده‌رانی شێروانه‌ پله‌ی یه‌كه‌من له‌ كوردستاندا بۆ هاندانی یانه‌كه‌یان.
غه‌زوانی به‌ریوه‌به‌ری هونه‌ری زێره‌ڤانی زیاتر دواو وتی یاری سبه‌ی گرنگه‌ بۆ هه‌ردوو یانه‌ چونكه‌ ڕیزبه‌ندی یانه‌كان له‌م كۆمه‌ڵه‌یه‌دا له‌یه‌كه‌وه‌ نزیكن ئه‌نجامێكی باش به‌ده‌ست بێنین دوو ربكه‌وینه‌وه‌ له‌ پله‌كانی خواره‌وه‌ی ڕیزبه‌ندی و ده‌چینه‌ كێبڕكێی یانه‌كانی سه‌ره‌وه‌ بۆیه‌ یاری سبه‌ی بۆ ئێمه‌ زۆر گرنگه‌ هیوادارم سبه‌ی یاریه‌كی باش ئه‌نجام بده‌ین و سه‌ركه‌وتو بین
 دواتر یاریزان بیلال ساڵح یاریزانی یانه‌ی زێره‌ڤانی سه‌باره‌ت به‌یاری سبه‌ی به‌رامبه‌ر شێروانه‌ وتی هیوادارم سبه‌ی یاریه‌كی خۆش بێت بۆ هه‌ردوو یانه‌ هه‌موانیش ئه‌وه‌ باش ئه‌زانن هه‌ریانه‌یه‌ك كه‌یاری ده‌كات له‌ ناو یاریگای خۆی بێت یان له‌ ده‌ره‌وه‌ بۆ به‌ده‌ست هێنانی سێ خاڵی یاریه‌كه‌ یاری ده‌كات بۆیه‌ سێ خاڵی سبه‌ی بۆ ئێمه‌ زۆر گرنگه‌ كوڕه‌ كه‌لاریه‌كه‌ زیاتر دواو وتی یاریكردن له‌ نێو یاریگای شێروانه‌دا جیاوازه‌ چونكه‌ شێروانه‌ خاوه‌ن هانده‌رێكی زۆره‌و زۆربه‌ی خه‌ڵكی ئه‌م شاره‌ وه‌رزش دۆستن و له‌ كۆتایشدا یاریزانه‌كه‌ی یانه‌ی زێره‌ڤانی وتی هیوادارم سبه‌ی یاریه‌كی خۆش پێشكه‌ش ئه‌و هانده‌رانه‌ بكه‌ین.
پاشان ولی كه‌ریمی ڕاهێنه‌ری یانه‌ی شێروانه‌ باسی ئاماده‌كاریه‌كانی یانه‌كه‌ی كردبۆ یاری سبه‌ی به‌رامبه‌ر یانه‌ی زێره‌ڤانی و وتی به‌ناوی خوای گه‌وره‌و میهره‌بان به‌دڵنیایوه‌ ئێمه‌ هه‌موو هه‌فته‌یه‌ك ئاماده‌ین بۆ یاریه‌كانی خولی نایابی فاست لینكی كوردستان بۆ سبه‌یش ئاماده‌كاریه‌كی باشمان كردووه‌ هیوادارم سبه‌ی یانه‌كه‌مان ئه‌نجامێكی باش به‌ده‌ست بێنێت چونكه‌ ئێمه‌ چوار یاریه‌ نه‌مان توانیوه‌ له‌ یاریگای خۆماندا بردنه‌وه‌ به‌ده‌ست بێنین،بۆیه‌ پشتیوان به‌خوا هه‌وڵ ئه‌ده‌ین سبه‌ی دڵی هانده‌رانی یانه‌كه‌مان خۆش بكه‌ین،له‌ كۆتایدا ڕاهێنه‌ره‌كه‌ی شێروانه‌ ئه‌وه‌شی وت هیوادارم سبه‌ی هه‌ردوو یانه‌ی ئاستێكی به‌رز پیشان بده‌ن و ئه‌و هانده‌رانه‌ی دێنه‌ یاریگا كه‌ دوای ڕۆیشتنه‌وه‌ ڕازی بن له‌ ئاستی یاریه‌كه‌ و یاریزانان.
دواتر هه‌ڵمه‌ت عادلی یاریزانی یانه‌ی شێروانه‌ وتی یاری سبه‌ی یاریه‌كی زۆر گرنگه‌ بۆ ئێمه‌ چونكه‌ ئێمه‌ تائێستا نه‌مان توانیه‌
له‌ یاریگای خۆماندا بردنه‌وه‌ به‌ده‌ست بێنین وتیشی پشتیوان به‌خوا سبه‌ی هه‌وڵ ئه‌ده‌ین دڵی هانده‌رانی یانه‌كه‌مان خۆش بكه‌ین و داواكارم هانده‌ران وه‌كو یاریه‌كانی پێشو پاڵپشتیه‌كی باشمان بكه‌ن بۆ یاری سبه‌ی چونكه‌ بردنه‌وه‌ی ئێمه‌ له‌ زێره‌ڤانی و به‌ده‌ست هێنانی سێ خاڵی ئه‌و یاریه‌ ده‌مان باته‌ ڕكابه‌ریه‌كانی یانه‌كانی سه‌ره‌وه‌و پێشی یانه‌ی زێره‌ڤانیش ده‌كه‌وین

Leave a Reply

دڵنيابە ئيمەيڵەكەت بە نهێنى دەمێنێتەوە. Required fields are marked *

*

x

هەواڵێكى تر..

هەڵبژاردەی کوردستان بەشداریی پاڵاوتنەکانی مۆندیالی 2022 دەکات..

لەبیرمە چەند ساڵێك پێش ئێستا كاتێك یاریی پلەیستەیشنمان دەكرد، هەمیشە خۆمان لە ریزی هەڵبژاردەكانی جیهان ...