Home / ووتار / بــــۆچی ؟ ڕاهینـه‌رانی کوردستان هه‌ژارن له‌ جیهانــــی ڕاهێنه‌رایـــه‌تی کردنـــدا ؟
بەرهەم جەلال

بــــۆچی ؟ ڕاهینـه‌رانی کوردستان هه‌ژارن له‌ جیهانــــی ڕاهێنه‌رایـــه‌تی کردنـــدا ؟

ڕاهێنه‌ر که‌سێکی گونجاوه‌ بۆ سه‌رۆکایه‌تیکردنی تیپی تۆپی پێ ، توانای دیاریکردنی هه‌ڵه‌ و گیروگرفته‌ هونه‌ری و کارگێری و ده‌رونیه‌کانی هه‌بێت ، چاره‌سه‌ری گونجاوی زانستیانه‌ی پێبێت ، تاقانه‌ که‌سیشه‌ ڕاسته‌وخۆ لێپرسراوی گشت کاره‌ هوونه‌ریه‌کانی به‌ره‌و روو ده‌بێته‌ پێویسته‌ به‌رپرسارێتی سه‌ره‌تا و کۆتایی بگرێته‌ ئه‌ستۆ .

زۆرجار لێره‌ و له‌وێ گوێبیستی گۆمه‌ڵێک له‌سه‌رنج و پرسیار ده‌بینه‌وه‌ چ که‌سێک گوونجاوه‌ بۆ پیشه‌ی ڕاهێنه‌رایه‌تیکردن ؟ که‌سێکی ئه‌کادیمی بێت ! خاوه‌نی بڕوانامه‌ بێت ؟ خۆڕسکانه‌ زیره‌ک بێت ؟ یاریزانی پێشووتر بوبێت …. هتد !! تێگڕای پسپۆڕه‌ وه‌رزشیه‌کانی ئێستای تۆپی پێ ده‌به‌ن به‌ڕێوه‌ له‌سه‌ر ئاستی جیهاندا هاوڕان له‌سه‌ر ئه‌وه‌ی پێویسته‌ ئه‌م ” سێ ” ڕه‌گه‌زه‌ هه‌بێت له‌که‌سێکدا پاشان بیر بکاته‌وه‌ ‌ له‌کاری ڕاهێنه‌رایه‌تی به‌پێچه‌وانه‌وه‌ نه‌بوونی ڕه‌گه‌زێک هاوکێشه‌که‌ به‌ناو هاوسه‌نگی ده‌هێڵێته‌وه‌ به‌هیچ جۆرێک له‌پیشه‌ی ڕاهێنه‌رایه‌کردا سه‌رکه‌وتوو نابێت تا هه‌تایه‌ ، ئه‌و سێ ڕه‌گه‌زه‌ش بریتین له‌ ” که‌سێتی _ توانا _ ئاره‌زوو ” که‌واته‌ لێره‌وه‌ تێگڕای ئه‌و بۆچوونه‌ سواو ژه‌نگرتووه‌ی چه‌ندین ساڵه‌ له‌خۆرهه‌ڵاتی ناوه‌ڕاست به‌گشتی کوردستان به‌تایبه‌ت خوویان پێوه‌گرتووه‌ له‌سه‌ر ده‌ڕۆن ده‌یکه‌نه‌ مه‌رجی سه‌ره‌کی بۆ پیشه‌ی ڕاهێنه‌رایه‌تی کردن پوچه‌ڵ ده‌بێته‌وه‌ ، هه‌بوونی ئه‌زموونی یاریزان ، بڕوانامه‌ ، ئه‌کادیمی بوون به‌ڕێژه‌یه‌کی یه‌کجار زۆر گرنگه‌ به‌ڵام دوای ئه‌وه‌ سێ ڕه‌گه‌زه‌ ، به‌دیوێکی دیکه‌دا گه‌ر پیشه‌ی ڕاهینه‌راتی بینایه‌ک بێت ئه‌و سێ ڕه‌گه‌زه‌ بناغه‌که‌ن ناشگونجێت بینایه‌ک دروست بکه‌یت له‌سه‌قفه‌وه‌ ده‌ست پێ بکه‌یت .14021571_654177401406001_5478881994018394674_n

به‌داخه‌وه‌ ، پیشه‌ی ڕاهێنه‌رایه‌کردنیش له‌گۆمه‌ڵگای کورده‌واری به‌کۆمه‌ڵێک له‌مپه‌ردا تێ په‌ڕیوه‌ تا گه‌شتۆته‌ ئه‌م قۆناغه‌ به‌ دووریشی ده‌زانم به‌مزوانه‌ پیشه‌که‌ گۆڕانکاری ڕیشه‌ی به‌سه‌ردابێت به‌هۆی به‌ سیسته‌منه‌کردنی وه‌رزش له‌ کوردستاندا تا ئێستاش له‌ ڕووی توانا و پسپۆڕی ڕاهێنه‌ر ده‌ستنیشان ناکرێت بۆ زانیاری زیاتر شاره‌زایه‌کی نێوه‌ده‌وڵه‌تی له‌ خوولێکی ڕاهێنه‌رایه‌تیکردندا ڕایگه‌یاندووه‌ تێگڕا یاری له‌ کودستان “٣٥ ” ئه‌وه‌ ماوه‌ی دیکه‌ تۆپ له‌ ده‌ره‌وه‌ی یاریگایه‌ ئه‌مه‌ش ته‌نها به‌رپرس لێی ڕاهێنه‌ره‌ ئێوه‌ تێبینی ئه‌وه‌تانکردووه‌ تا ئێستا ڕاهێنه‌ران له‌کوردستان ته‌نها له‌ تیۆریدا شاره‌زان له‌کرداردا له‌و په‌ڕی هه‌ژاریدان ، تێناگه‌م ! ڕاهێنه‌ر وه‌ک ناوی خۆی ده‌زانێت شێوازی یاریکردنی تیپه‌که‌ی هه‌ڵه‌یه‌ ئاماده‌ نییه‌ ستالیله‌که‌ی بگۆڕێت ، سه‌رجه‌م ڕاهێنه‌ران له‌ کوردستان گیرۆده‌ی ده‌ستی ئه‌و ستایله‌ له‌مێژینه‌ سواو بێ تامه‌ن تا ئێستا که‌سیان ئاماده‌ نییه‌ قوربانی بدات له‌ پێناو مانه‌وه‌ له‌ پۆسته‌که‌ی
خوودی خۆم به‌ ئیملاوه‌ تاکتیکه‌کانی ڕاهێنه‌رانی ئێستام له‌به‌ره‌ ، گۆڵپارێز تۆپی درێژ بنێره‌ بۆ پێشه‌وه‌ ، یاریزان بێ بیرکردنه‌وه‌ بکێشه‌ به‌تۆپه‌که‌دا ئیتر چۆن ده‌ڕوات کێشه‌ نییه‌ ، تۆپ له‌ تیپی دژبه‌ر وه‌ربگره‌ ئیتر گرنگ نییه‌ چۆن ! سه‌رده‌مانێک به‌جۆرێک بیرم ده‌کردوه‌ که‌ته‌واو مافم ده‌دا به‌ ڕاهێنه‌ران ، به‌ڵام له‌ ئێستادا جگه‌ له‌ خوودی ڕاهێنه‌ران که‌سی تر به‌رپرس نییه‌ له‌ دۆخه‌ هه‌ژاره‌ی که‌ ئێستا ڕاهێنه‌ری پێدا تێپه‌ر ده‌بێت له‌کوردستاندا

چاره‌سه‌ر چییه‌ بۆ به‌پیشه‌یکردنی ڕاهێنه‌ر ! جارێ پێش هه‌موو شتێک زۆر گرنگه‌ پیشه‌ی ڕاهێنه‌ر هێنده‌ ئاسان و سانا نه‌بێت هه‌ر که‌سێک ویستی به‌رژه‌وه‌ندی و پشتی هه‌موو ده‌ستبکات به‌پیشه‌که‌ چوونکه‌ به‌ده‌ر له‌ سێ ڕه‌گه‌زه‌که‌ زۆر نه‌شیاوه‌ که‌ستی تر مل بکوتێت بۆ کاری ڕاهێنه‌راتیکردن ، خاڵێک ته‌واو جێگای سه‌رنجه‌ خوودی ڕاهێنه‌ران خۆیان چوونکه‌ تا ئێستاش هێنده‌ گرنگی ده‌ده‌ن به‌کۆمه‌ڵێک بابه‌تی لاوه‌کی نیو هێنده‌ به‌ته‌نگ ناوبانگی خۆیاندا نین زۆر به‌ساده‌ی ده‌که‌وێته‌ ژێر کاریگه‌ری ئه‌و ڕێکارانه‌ی بۆی دیاری ده‌کرێت ، ماوه‌ کورتی گرفتێکی دیکه‌ی ڕاهێنه‌رانی ئێمه‌یه‌ له‌کوردستاندا وه‌رز زۆر نییه‌ چه‌ند هه‌فته‌یه‌کی دیاریکراوه‌ ته‌واو ده‌بێت دواتر ڕاهێنه‌ر و تیم ده‌ست لێک به‌رده‌ده‌ن ئه‌مه‌ش به‌هیچ جۆرێک ته‌ندروست نییه‌ بۆ هیچ ڕاهێنه‌رێک ئاسان نییه‌ له‌وماوه‌یه‌دا سه‌رجه‌م نه‌خشه‌ و پلانه‌کانی جێ به‌ جێ بکات ، له‌ئه‌وروپا به‌شێک له‌ ڕاهێنه‌ران له‌سه‌ره‌تای واژکردنی گرێبه‌سته‌کانیان ئاماژه‌ بۆ ئه‌وه‌ ده‌که‌ن نابێت یه‌که‌م وه‌رز داوای نازناوی لێبکرێت
خاڵێک زۆر گرنگه‌ پێویسته‌ سه‌رجه‌م ڕاهێنه‌ران له‌نێوان خۆیاندا ڕێکه‌وتنێکی ئه‌خلاقی ببه‌ستن و پاپه‌ندبن پێوه‌ی له‌سه‌ر کۆمه‌ڵێک خاڵ له‌ چوارچێوه‌یه‌کی سنورداردا ، دواتر پێویسته‌ یه‌کێتی تۆپی پێی کوردستان کۆتایی وه‌رزه‌کان سه‌رجه‌م ڕاهێنه‌ران بانگهێشت بکات بۆئه‌وه‌ی کۆنفڕانسێک ببه‌ستن سه‌رجه‌م خاڵه‌ گرنگ و هه‌ستیاره‌کانی پیشه‌ی ڕاهێنه‌ران باس بکه‌ن به‌گشتی لایه‌نی تاکتیکی به‌ تایبه‌ت.

ئه‌رک و به‌رپرسیارێتی ڕاهێنه‌ری تۆپی پێ به‌گشتی برتییه‌ له‌ :
_ که‌سێتی کۆمه‌ڵایه‌تی به‌هێز بێت.
_ توانای تێگه‌شتنی هه‌بێت ، باوه‌ڕی به‌ پیشکه‌وتن هه‌بێت نوێگه‌رایه‌تی بکات.
_ خاوه‌نی له‌ش و لارێکی وه‌رزشی بێت .
_ توانای خۆگونجاندنی هه‌بێت به‌مه‌رجێک کارنه‌کاته‌ سه‌ر بیر و ڕا جێگیره‌کانی.
_ زاراوه‌ سه‌ره‌کییه‌کانی تۆپی پێ بزانێت .
_ توانای هاندانی گشتی و تایبه‌تی هه‌بێت .
_ شه‌رمن نه‌بێت له‌مامه‌ڵه‌کردن له‌کاتی ڕاهێنان و قسه‌کردن و یاریه‌کاندا.
_ دادپه‌روه‌ربێت بردنه‌وه‌ له‌خۆبایی نه‌کات دۆڕان نه‌یڕوخێنێت.

نووسەر: به‌رهه‌م جـەلال

كۆمێنت لەسەر ئەم بابەتە بنوسە

ئيمەيڵەكەت پارێزراو دەبێت و دەرناكەوێت. *

*