Home / ئنگليز / (پاريس سانجێرمان X ئارسينال)مێژووى ڕووبەڕوبونەوەيانو پێكهاتەى پێش بينى كراو
arsnal

(پاريس سانجێرمان X ئارسينال)مێژووى ڕووبەڕوبونەوەيانو پێكهاتەى پێش بينى كراو

ئەمشەو  لە كاتژمێر ٩:٤٥ خولەك هەمووچاوەكان دەچنە سەر ياريگاى باخچەى شازادەكانى تايبەت بەيانەى پاريس سانجێرمانى فەرەنسيە كە تيايدا يانە فەرەنسيەكە لەيەكەم هەفتەى خولى يانە پاڵەوانەكانى ئەوروپا ميواندارى يانەى ئارسيناڵى ئينگليزى دەكات.

يارى نێوان يانە فەرەنسيەكەو يانە ئينگليزيەكە بە يارى لوتكەى ئەم قۆناغەى خولى يانە پاڵەوانەكانى ئەوروپا دادەنرێت كە تيايدا ڕووبەڕوبونەوەى چەندين ئەستێرەى تۆپى پێى جيهان لە خۆ دەگرێت لەوانە مەسعود ئۆزيل و ئەنخيل ديماريا ،ئەلێكس سانچێز و ئيديسۆن كاڤانى.

پاريس سانجێرمانى فەرەنسى و ئارسيناڵى ئينگليزى بۆ يەكەمجارە لە خولى يانە پاڵەوانەكانى ئەوروپا ڕووبەڕوى يەك دەبنەوە.

هەردوو يانەى لە مێژووى خۆياندا تەنها بۆ يەكجار ڕووبەڕوى يەك بونەتەوە ئەويش لە ساڵى ١٩٩٤ بوو لە پاڵەوانێتى جامى جامەكانى ئەوروپا كە پاشان ئەو پاڵەوانيەتيە هەڵوەشێنرايەوەو بوو  بە جامى يەكێتى ئەوروپا كە دەكاتە پاڵەوانێتى يوروپاليگى ئێستا،كە لەوياريەشدا يارى ڕۆيشتن كە لەياريگاى يانە پاريسيەكە بەڕێوە چوو  بەگۆڵێك يەكسان بوون بەڵام لە يارى گەڕانەوەدا يانە ئينگليزيەكە بە گۆڵێكى كيڤين كامبل ياريەكەى لەبەرژەوەندى خۆى كۆتايى پێ هێنا.

پێكهاتەى پێش بينى كراوى هەردوو يانە بە پێى ڕۆژنامەى ليكيپى فەرەنسى بۆ يارى ئەمشەوى هەردوو يانەى بەم شێوەيەيە

پێكهاتەى پاریس سانجێرمان :

(تراپ ئەريۆلا، ئۆریۆر، مارکینۆس، تياگۆ سیلڤا، ماکسوێل، ڤێراتی، کرۆچویاک، ڕابیۆت، دی ماریا، کاڤانی، ماتویدی)

پێكهاتەىئارسیناڵ:

(پيتەرچیک، بێلێرین، موستافی، کۆسێلینی، مۆنريال ،كوكلين، کازۆرلا، ، والکۆت، ئۆزێل، جیرۆ، سانچێز)

14328963_1203136009743932_1641268731_n

 

 

كۆمێنت لەسەر ئەم بابەتە بنوسە

ئيمەيڵەكەت پارێزراو دەبێت و دەرناكەوێت. *

*