Home / عێراق / وه‌رزێكی نوێی خولی نایابی عێراق به‌رێوه‌ده‌چێت..
یاری نێوان هه‌ولێر و زاخۆ له‌ وه‌رزی رابردووی خولی نـایابی عێراق

وه‌رزێكی نوێی خولی نایابی عێراق به‌رێوه‌ده‌چێت..

به‌به‌شداری كردنی ٢٠ یـانه‌ بڕیـاره‌ ئەمرۆ پێنج شه‌ممه‌ به‌ئه‌نجـامدانی كۆمه‌لێك یـاری‌، وه‌رزێكی نوێی ٢٠١٦-٢٠١٧ خولی نـایابی یـانه‌كـانی عێراق بۆتۆپی پێی به‌رێوه‌ بچێت.

ئەمرۆ پێنج شه‌ممه‌ كاتژمێر ٣:٤٥م خوله‌ك ، یاری كردنه‌وه‌ی ورزێكی نوێى خولی نایابی عێراق له‌نێوان یـانه‌ی زه‌ورای پاڵه‌وانی وه‌رزی رابردووی عێراق و یـانه‌ی كـاره‌بـا ده‌بێت، یانه‌ی زه‌ورا كه‌ له‌ده‌ره‌وه‌ی یاریگـای خۆی یاری ده‌كـات هه‌وڵی ئه‌وه‌ ده‌دات پارێزگـاری له‌نـازنـاوه‌كه‌ بكـات و له‌ یه‌كه‌م یـاریشدا چـاوی له‌ سێ خـاڵی یارییه‌.

هه‌رله‌ یارییه‌كـانی ئەمرۆ پێنج شه‌ممه‌دا كه‌ كـاتژمێر ٣:٤٥م به‌رێوه‌ ده‌چێت، یـانه‌ی مینـا له‌ یاریگـای خۆی روبه‌رووی یـانه‌ی حسینه‌ ده‌بێته‌وه‌ كه‌ ئه‌مسـاڵ سه‌ركه‌وتووه‌ بۆ نـایاب ، یـانه‌ی بەحری یش كه‌ ئه‌مسـاڵ سه‌ركه‌وتووه‌ بۆ خولی نـایابی عێراق له‌ ده‌ره‌وه‌ی یاریگـای خۆی روبه‌رووی نه‌جه‌ف ده‌بێته‌وه‌ ، كـاتژمێر ٦:٠٠ـی ئێواره‌ش له‌ یاری لوتكه‌ی هه‌فته‌ی یه‌كه‌مدا له‌نێو یاریگـای خۆی یانه‌ی ته‌ڵه‌به‌ ڕوبه‌رووی یـانه‌ی شورته‌ ده‌بێته‌وه‌.

به‌هۆی به‌شداری كردنی یـانه‌ی قوه‌جه‌ویه‌ له‌ جـامی یه‌كێتی ئـاسیـا یارییه‌كه‌ی نێوان قوه‌جه‌ویه‌ و زاخۆ دواخرا كه‌ ئه‌م یارییه‌ش بریـاروابوو سبه‌ی پێنج شه‌ممه‌ به‌رێوه‌ چووبـا.

رۆژی هه‌ینی یش كـاتژمێر ٣:٤٥م خوله‌ك ، یارییه‌كـانی خولی نـایابی عێراق به‌ردوامی ده‌بێت، یـانه‌ی هه‌ولێر سه‌فه‌ری شـاری به‌غدای كردووه‌ بۆ روبه‌روو بونه‌وه‌ی به‌رامبه‌ر یـانه‌ی كه‌رخ، یاریزانه‌كـانی هه‌ولێر ده‌یـانه‌وێت به‌سێ خـاڵ بگه‌رێنه‌وه‌ پـایته‌خت، هه‌ر له‌ یارییه‌كـانی رۆژی هه‌ینیدا یانه‌ی حدود له‌ نێو یاریگـای خۆیدا روبه‌رووی كه‌ربه‌لا ده‌بێته‌وه‌، یانه‌ی نه‌وت له‌ ده‌ره‌وه‌ی یاریگـای خۆی به‌رامبه‌ر نه‌وتی نـاوه‌راست یاری ده‌كـات، یانه‌ی نه‌وتی میسـانیش له‌ نێو یاریگـای خۆی به‌رامبه‌ر نه‌وتی باشور یاری ده‌كـات، یـانه‌ی سه‌مـاوه‌ له‌ ده‌ره‌وه‌ی یاریگـای خۆی به‌رامبه‌ر ئه‌مـانه‌ی بغدا یـاری ده‌كـات.

ئه‌وه‌ی جێی وه‌بیرهێنـانه‌وه‌یه‌، وه‌رزی ڕابردووی خولی عێراق به‌شێوه‌ی ٢ گروپ به‌رێوه‌چوو ، به‌ڵام ئه‌مسـاڵ یه‌كێتی تۆپی پێی عێراق بریـاری دا به‌شێوه‌ی خول، چون و هـاتن به ‌به‌ژداری كردنی ٢٠ یـانه‌ به‌رێوه‌بچێت.

ئا/ سـانی نـاصیح

كۆمێنت لەسەر ئەم بابەتە بنوسە

ئيمەيڵەكەت پارێزراو دەبێت و دەرناكەوێت. *

*