شەوى رابردوو لە هەفتەى چوارەمى خولى ئسپانى رياڵ مەدريد توانى لە دەرەوەى ياريگاى خۆى بەسەر يانەى ئسپانيۆل سەربكەوێت بە ئەنجامى ٢-١, دوابەدواى ياريەكەش زينەدين زيدانى فەرەنسى و راهێنەرى يانەى شاهانە بۆ دەزگاكانى راگەياندن دوان.

زيدان وتى: “رياڵ مەدريد لە ياريەكى پر لە كێشە لەگەل يانەيەكى بەهێزى وەك ئسپانيۆل شايستەى سەركەوتن بوو”.

سەبارەت بە هەريەكە لە جەيمس رۆدريگز و كەريم بنزيمە كە توانيان بە دووگۆڵ رياڵ مەدريد سەربخەن, زيدان وتى: “سەركەوتنێكى شايستەمان تۆماركرد بەرامبەر بە يانەيەكى ركابەر, رووبەروى چەندين كێشە بووينەوە بەتايبەتى لە گێمى يەكەم, وە ئەوەش ئاساييە كە لە دەرەوەى ياريگاى خۆماندا دووچارى فشارێكى زۆر ببينەوە”.

وتيشى: “دڵخۆشم بەو ئاستە بەرزە كە هەريەكە لە جەيمس رۆدريگز و كەريم بنزيمە پێشكەشيان كرد, لەم ماوەيەدا لەماوەى هەر سێ رۆژ جارێك ياريمان هەيە پێويستە زۆر بەورياييەوە يارى بكەين”.

لە كۆتاييشدا وتى: “زۆر خۆش دەبێت بتوانين ژمارە پێوانەييەكان لە ليگا بشكێنين, بەڵام ئەوەى ئەمرۆ بەدەستمان هێنا (بردنەوەى ١٦ يارى لەسەر يەك لە ليگا) بە هەوڵ و تواناى خەموومان بوە, بەلاى منەوە پێم خۆش نيە بەراورد بكرێت لە نێوان ئەوەى بەدەستمان هێناوە لەگەل يانەكانى تر”.

بڵاو كردنەوەى ئەم هەواڵە لە: