Home / جيهان / ڕاهێنەرى تازە پێگەيشتوانى يانەى ڕزگارى لە كاتى ياريكردندا گيانى لەدەسدا
10370977_320575368090380_2785208033430035030_n

ڕاهێنەرى تازە پێگەيشتوانى يانەى ڕزگارى لە كاتى ياريكردندا گيانى لەدەسدا

شەوى ڕابردوو لە قەزاى كەلارى ناوەندى ئيدارەى گەرميان مامۆستا سۆما محمد ڕاهێنەرى تازە پێگەيشتوانى يانەى ڕزگارى لە كاتى ياريكردندا لە يەكێك لە ياريگا داخراوەكانى شارى كەلاردا گيانى لە دەسدا.

 مامۆستا سۆران بورهان كە هاوڕێى نزيكى مامۆستا (سۆما محمد)ى كۆچ كردووە و شەوى ڕابردووش پێكەوە ياريان كردووە تايبەت بە (كورد سپۆرت)ى ڕاگەياند “شەوى ڕابردوو لەگەڵ چەند هاوڕێيەک ياريمان دەكرد كە مامۆستا سۆما محمديشمان لەگەڵ بوو، پاش تێپەڕ بوونى نيوكاتژمێر لە ياريەكە پاش تۆمار كردنى گۆڵێك لەلايەن مامۆستا سۆماوە لە كاتى خۆشى دەربڕيندا سوجدەى برد و پاشان لەسەر لا كەوت، كە چووينە سەرى و بينيمان، بەپەلە گەياندمانە نەخۆشخانە، بەڵام بەداخەوە كە تا گەياندمانە نەخۆشخانە كۆچى دوايى كرد”
كورد سپۆرت پەيوەندى بە هەڵگورد محمد بەڕێوەبەرى نەخۆشخانەى فرياكەوتنى شەهيد هەژارەوە كرد، ناوبراو لەو بارەيەوە ڕايگەياند شەوى ڕابردوو كەسێكيان هێناوەتە نەخۆشخانەكەمان لە كاتى ياريكردندا بارى تەندروستى تێكچووە، بەڵام بەداخەوە تا گەياندوويانەتە لاى ئێمە گەيانى لە دەسداوە”
مامۆستا سۆما محمد مامۆستاى پسپۆڕى بوارى پەروەردەى وەرزشە و ماوەى چەن ساڵێكە لە يەكێك لە ئامادەييەكانى ئەو شارە وانە دەڵێـتەوە و ساڵى ڕابردووش  ئەركى ڕاهێنەرايەتى تازە پێگەيشتوانى يانەى رزگارى گرتە ئەستۆ.
14442628_689831097835774_725760758_n

كۆمێنت لەسەر ئەم بابەتە بنوسە

ئيمەيڵەكەت پارێزراو دەبێت و دەرناكەوێت. *

*