Home / كوردستان / ڕۆژنامه‌نووسێكی وه‌رزشی ئاماده‌یه‌ له‌ پێناو یانه‌ی هه‌ڵه‌بجه‌دا ئۆتۆمبێله‌كه‌ی خۆی بفرۆشێت

ڕۆژنامه‌نووسێكی وه‌رزشی ئاماده‌یه‌ له‌ پێناو یانه‌ی هه‌ڵه‌بجه‌دا ئۆتۆمبێله‌كه‌ی خۆی بفرۆشێت

تاكه‌ نوێنه‌ره‌كه‌ی پارێزگای هه‌ڵه‌بجه‌ له‌ خولی پله‌ یه‌كی كوردستاندا له‌ ئێستادا له‌ لێواری مه‌رگدایه‌و ئه‌گه‌ری دابه‌زینی بۆ ڕیزی یانه‌ پله‌ دووه‌كان هه‌یه‌ ڕۆژنامه‌نوسێكی ئه‌و پارێزگایه‌ش ئاماده‌یه‌ ئۆتۆمبێله‌كه‌ی خۆی له‌ پێناوی مانه‌وه‌ی ئه‌و یانه‌یه‌دا بفرۆشێت. بێستون تاوه‌گۆزی ڕۆژنامه‌نووس و بێژه‌ری وه‌رزشی دیاری كوردستان و پارێزگای هه‌ڵه‌بجه‌، پاش ئه‌نجامه‌ خراپه‌كانی یانه‌ی وه‌رزشی هه‌ڵه‌بجه‌ له‌ وه‌رزی ئه‌مساڵدا له‌ خولی یانه‌ پله‌ یه‌كه‌كانی كوردستان، كه‌ ئێستا مه‌ترسی دابه‌زینی لێ ده‌كرێت بۆ ڕیزی یانه‌ پله‌ دووه‌كان، ئه‌مرۆ له‌ تۆڕی كۆمه‌ڵایه‌تی فه‌یسبووك له‌ واڵی تایبه‌تی خۆی له‌ پۆستێكیدا نووسیویه‌تی: “ئاماده‌م ئۆتۆمبیله‌كه‌ی خۆم بفرۆشم له‌پێناو مانه‌وه‌ی یانه‌ی هه‌ڵه‌بجه.‌” ڕۆژنامه‌نووسه‌كه‌ی پارێزگای هه‌ڵه‌بجه‌ له‌ سه‌ره‌تادا نووسیویه‌تی: “هه‌موومان بۆ هه‌ڵه‌بجه ‌و هه‌ڵه‌بجه‌ش بۆ هه‌موومان” ئه‌وه‌شی نووسیوه‌ “هه‌رچه‌نده‌ منداڵ و مه‌زم و جاحێڵ واتێ ئه‌گه‌ن كه‌ ئێمه‌ دژی یانه‌ی وه‌رزشی هه‌ڵه‌بجه‌ین پێمان خۆشه‌ ئه‌و یانه‌یه‌ بۆ ڕیزی پله‌ دووه‌كان دابه‌زێت” بێستون زیاتری وتوه‌ و ده‌ڵێت: “وه‌كو دڵسۆزێكی ئه‌م شاره‌ كه‌
مه‌عقول نیه‌ پارێزگا بیت و یانه‌كه‌ت دابه‌زێت بۆ ڕیزی یانه‌ پله‌ دووه‌كان!” ڕۆژنامه‌نووسه‌كه‌ی پارێزگای هه‌ڵه‌بجه‌ نووسیه‌تی: “وه‌ك بێستون تاوه‌گۆزی ئاماده‌ی هه‌موو كارێكم له‌ پێناو مانه‌وه‌ی یانه‌ی هه‌ڵه‌بجه‌” له‌ كۆتای نوسینه‌كه‌شیدا ئەو ڕۆژنامه‌نووسه‌ پێشنیازی ئه‌وه‌ی بۆ یانه‌ی هه‌ڵه‌بجه‌ كردووه‌‌ بۆ ئه‌و تاكه‌ یاریه‌ی كه‌ ماویانه‌ له‌ خولی یانه‌ پله‌ یه‌كه‌كاندا، دوو یاریزان له‌ هێڵه‌كانی ناوه‌ند و هێرشبه‌ر بهێنێته‌ ڕیزی یانه‌كه‌وه‌ چونكه‌ هه‌موان ئاگادارین یانه‌ی هه‌ڵه‌بجه‌ ئه‌مساڵ له‌و دوو هێڵه‌دا كێشه‌ی هه‌یه‌، بەشێوەیەک له‌ ۷ یاری ڕابردوودا ته‌نها دوو گۆڵی كردووه‌. بێستون نووسیه‌تی: “ئاماده‌م ئۆتۆمبیلەکەی خۆم بفرۆشم و بۆندی یاریزانێک لەئەستۆ بگرم.”

شایەنی باسە یانه‌ی وه‌رزشی هه‌ڵه‌بجه‌ له‌مساڵدا له‌ خولی یانه‌ پله‌ یه‌كه‌كانی كوردستان له‌ كۆمه‌ڵه‌ی سێیه‌مدا یاری ئه‌كرد و له‌ كۆی ۷ یاری ڕابردوو خاوه‌نی ۳ خاڵه‌ و له‌ ئێستادا مه‌ترسی دابه‌زینی لێ ئه‌كرێ و ته‌نها یه‌ك یاری ماوه‌ به‌رامبه‌ر یانه‌ی ئاكرێ, کە پیویسته‌ له‌و یاریه‌دا بردنه‌وه‌ تۆمار بكات بۆ ئه‌وه‌ی له‌ ڕیزی یانه‌ پله‌یه‌كه‌كاندا بمێنێته‌وه‌.

 

Leave a Reply

دڵنيابە ئيمەيڵەكەت بە نهێنى دەمێنێتەوە. Required fields are marked *

*

x

هەواڵێكى تر..

هەڵبژاردەی کوردستان بەشداریی پاڵاوتنەکانی مۆندیالی 2022 دەکات..

لەبیرمە چەند ساڵێك پێش ئێستا كاتێك یاریی پلەیستەیشنمان دەكرد، هەمیشە خۆمان لە ریزی هەڵبژاردەكانی جیهان ...