Home / كوردستان / ڕاهێنەرى يانەى شێروانە دەستى لە كار كێشايەوە
dsc_0097

ڕاهێنەرى يانەى شێروانە دەستى لە كار كێشايەوە

هەرچەندە ماوەى چەند ڕۆژێكە يانەى شێروانەى بەشدار لە خولى نايابى كوردستان دەستى كردووە بە  ئامادەكاريەكانى بۆ وەرزى نوێى خولى نايابى كوردستان بەڵام كەمێك پێش ئێستا ولى كەريمى ڕاهێنەرى ئەو يانەيە لە ئەكاونتى تايبەتى خۆى لە فەيس بووك لە پۆستێكيدا دەست لە كاركێشانەوەى خۆى لە ئەركى مەشق و ڕاهێنانى ئەو يانەيە ڕاگەياند.

كورد سپۆرت بۆ وەرگرتنى زانيارى زياتر پەيوەندى بە ڕاهێنەرى ناوبراوەوە كردو لە لێدوانێكيدا تايبەتدا سەبارەت بەدەست لە كاركێشانەوەكەى گوتى ” ماندوو بووم لە داواكاريەكان و ستافى يانە هاوكاريان نەكردووم لە جێ بەجێ كردنى داواكاريەكانم” هەروەها ڕاهێنەرەكەى شێروانە ئەوەشى گوت ” كە هاندەرانى شێروانە ئەنجامى باشيان ئەوێ بۆيە من بەم شێوە ناتوانم ئەنجاميان بۆ بەدەست بهێنم”

بۆ وەرگرتنى زانيارى زياتر كورد سپۆرت پەيوەندى كرد بە كۆمار خودادادى سكرتێرى يانەكەوە بەڵام پەيوەندى ناوبراو بەردەست نەبوو.

ولى كريم وەرزى ڕابردوو پەيوەندى بەيانەى شێروانەوە كردو توانى يانەكە لە دابەزين بۆ خولى پلە يەك ڕزگار بكات.capture-20160925-200819

 

كۆمێنت لەسەر ئەم بابەتە بنوسە

ئيمەيڵەكەت پارێزراو دەبێت و دەرناكەوێت. *

*