Home / كوردستان / يانەى چەمچەماڵ سزا درا و يارى داهاتووى دوور لە ياريگا و هاندەرانى ئەنجام دەدات..
14494626_1077417819021761_7071609196365231030_n

يانەى چەمچەماڵ سزا درا و يارى داهاتووى دوور لە ياريگا و هاندەرانى ئەنجام دەدات..

هەينى رابردوو هەفتەى سێيەمى خولى پلە دووەكانى كوردستان بەرێوەچوو لە يەكێك لە ياريەكاندا يانەى پيرە مەگرون ميواندارى لە يانەى چەمچەماڵ كرد.

لە ياريەكەدا كە هەردوو يانە بە ئەنجامى ٣-٣ يەكسان بوون بەڵام بەلێدانى سزا يانەى چەمچەماڵ بە ئەنجامى ٤-٥ توانى ياريەكە بباتەوە, ئەم سەركەوتنە بۆ يانەى چەمچەماڵ خۆشى زۆرى بەدواى خۆيدا نەهێنا, چونكە لە ياريەكەدا لە نێوان هەردوو يانەى چەمچەماڵ و پيرە مەگروون گرژى دروست بوو بەو هيەشەوە دوێنێ شەمە لە دانشتنى سەرۆك و ئەندامانى خۆيدا يەكێتى تۆپى پێى كوردستان برياريدا هەردوو يانە سزا بدات ئەمە جگە لە وەى راهێنەرى چەمچەماڵ بۆ ماوەى يەك وەرز ناتوانێت بەشدارى خولەكانى يەكێتيەكە بكات هەروەها بەهەمان شێوەيش ياريزانێكى يانەى پيرە مەگروون, ئەم سزايانە بەهۆى بەكارهێنانى وشەى نەشيا و كاردانەوەى دوور لەوەرزش بووە, هەروەها يانەى چەمچەماڵ بۆ يارى داهاتووى كە سێشەمەى ئەم هەفتەيە بەرامبەر رانيە يە ناتوانێت لە نێو ياريگا و هاندەرانى خۆيى ئەو ياريە ئەنجام بدات.

هادی كه‌ریم

هادی كه‌ریم, جێگری سه‌رۆكی یه‌كێتی تۆپی پێی كوردستان

لەو بارەيەشەوە (هادی كه‌ریم) جێگری سه‌رۆكی یه‌كێتی تۆپی پێی كوردستان رايگەياند: “له‌سه‌ر داوای نوێنه‌ری هه‌ردوو یانه‌ى (چەمچەماڵ – رانيە) ئه‌م بڕیاره‌ دراوه‌، یارییه‌كه‌یش رۆژی سێ شه‌ممه‌ی دادێ به‌ بێ ئاماده‌بوونی هانده‌رانی هه‌ردوو یانه‌ و هانده‌ری بێلایه‌ن و ده‌زگا راگه‌یاندنه‌كان، له‌ یاریگه‌ی زانكۆ له‌ سلێمانی به‌رێوه‌ ده‌چێت.”

خشتەى ياريەكانى خولى پلە دووى كوردستان ٤/١٠/٢٠١٦ رۆژى سێ شەمە:-

ئاڵا – پيشەسازى (ياريگى ئاڵا).

چەمچەماڵ – رانيە (ياريگاى زانكۆ لە سلێمانى).

 

 

شۆریجە – رزگاری (یاریگای شۆریجە).

جێگای بيرهێنانەوەيە كە سەرجەم یارییەكان كاتژمێر ٣ی ئێوارە ئەنجام دەدرێت.

كۆمێنت لەسەر ئەم بابەتە بنوسە

ئيمەيڵەكەت پارێزراو دەبێت و دەرناكەوێت. *

*