Home / كوردستان / خانەقين و خەبات خۆيان گەياندە قۆناغى نيوەيى كۆتايى خولى يانە پلە دووەكانى كوردستان

خانەقين و خەبات خۆيان گەياندە قۆناغى نيوەيى كۆتايى خولى يانە پلە دووەكانى كوردستان

رۆژى هەينى بە ئەنجامدانى دوو يارى لە ياريەكانى خولى يانە پلە دووەكانى كوردستان دوو يانەى تر توانيان بردنەوە تۆمار بكەنو خۆيان بگەيەننە قۆناغى نيوەيى كۆتايى ئەو خولە.لە يەكێك لەو ياريانەدا كە لەشارى خانەقين بەڕێوە چوو يانەى خانەقين توانى بەئەنجامى (٣_١) لەيانەى شۆريجە بباتەوە،لەلايەكى تريشەوە يانەى خەبات و ئاڵا بەگۆڵێك يەكسان بوون و پاشان بۆ يەكلاى كردنەوەى ئەنجامى ياريەكە پەنابرايە بەر لێدانە يەكلاكەرەوەكان و يانەى خەبات توانى بەئەنجامى (٥_٣) ياريەكە بباتەوە.بەم شێوەيەش هەريەك لەيانەكانى (كفرى ،شەقڵاوە ، سەيدسادق ، خانەقين ، خەبات ) سەركەوتن بۆ قۆناغى نيوەى كۆتايى خولى يانە پلە دووەكانى كوردستان ، بڕياريشە ڕۆژى يەك شەممە بۆ ديارى كردنى كۆتا يانەى سەركەوتوو بۆ ئەو قۆناغە هەردوو يانەى چەمچەماڵ و دووكان لەسەر ياريگاى زانكۆ لەشارى سلێمانى ڕووبەڕوى يەك ببنەوەو براوەى ئەو ياريەش ڕاستەوخۆ سەردەكەوێت بۆ قۆناغى نيوەيى كۆتايى.

ئەنجامى ياريەكانى ئەمڕۆى خولى يانە پلە دووەكانى كوردستان

خانەقين ٣ X شۆريجە ١

خەبات ١ X ئاڵا ١ (٥ _٣) بەلێدانى يەكلاكەرەوە

يەك شەممە

كاتژمێر// ٣

چەمچەماڵ X دووكان (ياريگاى زانكۆ)

كۆمێنت لەسەر ئەم بابەتە بنوسە

ئيمەيڵەكەت پارێزراو دەبێت و دەرناكەوێت. *

*