Home / جيهان / دواى يەك ساڵ دابران فالكاو گەرايەوە..
فالكاو

دواى يەك ساڵ دابران فالكاو گەرايەوە..

دواى ئەوەى بەهۆى پێكانەوە بۆ ماوەى زياتر لە شەش مانگ لە ياريگاكان دابراو زياتر لە ساڵێكيشە لە هەلبژاردەكەى دوركەوتوەتەوە دواجار راديمێل فالكاوى هێرشبەرى مۆناكۆ بانگهێشتى پێكهاتەى هەڵبژاردەى ولاتەكەى (كۆلۆمبيا) كرا بۆ رووبەروو بوونەوەى هەلبژاردەكانى شيلى و ئەرجەنتين كە لە چوارچێوەى پاڵاوتنەكانى كيشوەرى ئەمريكاى باشور بۆ مۆنديالى ٢٠١٨ ئەنجام دەدرێت.

لە رابردوودا ئاستى فالكاو زۆر دابەزى ئەويش بەهۆى ئەو پێكانە يەك لەدواى يەكەى دووچارى دەبوويە, بەڵام ئەم وەرزە بەباشى دەستى پێكردوە و تا ئێستا لە كۆى ٩ يارى ٦ گۆڵى كردوە و لە دواين ياريشيدا لە خولى يانە پاڵەوانەكانى ئەوروپا بەرامبەر سيسكا مۆسكۆى رووسى توانى يانەكەى (مۆناكۆ) سەربخات و لە كۆى سێ گۆڵ دوو گۆڵ تۆمار بكات.

جێگاى ئاماژەيە كە فالكاو هێرشبەرى كۆلۆمبيى لە مۆنديالى ٢٠١٤ بەهۆى پێكانەوە هەڵبژاردەكەى دابراو لە ١٣ مانگى ١٠ى ساڵى ٢٠١٥ گەرايەوە نێو ياريگاكان.

وا بريارە كە لە ١٠و ١٦ى ئەم مانگە كۆلۆمبيا بەرامبەر هەلبژاردەكانى شيلى و ئەرجەنتين يارى بكات, لە ئێستاشدا كۆلۆمبيا لە ١٠ ياريدا خاوەنى ١٧ خالە و لە ريزبەندى چوارەمە و چوار هەلبژاردەى سەرەتا دەتوانن بە راستەوخۆ سەربكەون بۆ مۆنديالى ٢٠١٨ى رووسيا و پێنجەميش بەرامبەر پاڵەوانى ئۆقيانيا يارى دەكات.

 

كۆمێنت لەسەر ئەم بابەتە بنوسە

ئيمەيڵەكەت پارێزراو دەبێت و دەرناكەوێت. *

*