Home / ئسپانيا / پێش دێربى مەدريد زيزۆ لە كێشەيەكى گەورەدايە..!!
زەيدان

پێش دێربى مەدريد زيزۆ لە كێشەيەكى گەورەدايە..!!

رۆژنامەى “ئاس”ى ئسپانى بلاوى كردەوە كە هەريەكە لە لۆكا مۆدريچ و ماتيۆ كۆڤاسيچ ياريزانانى يانەى رياڵ مەدريد و هەڵبژاردەى كرواتيا ئەمرۆ يەك شەمە دەگەرێنەوە بۆ پايتەختى ئسپانيا و ئامادەكارى دەكەن بۆ يارى دێربى مەدريد بەرامبەر ئەتلەتيكۆمەدريد.

رۆژنامەى ئاس لە زارى سەرچاوەيەكەوە بلاوى كردوەتەوە كۆڤاسيچ كە لە يارى هەلبژاردەكەى بەرامبەر ئايسلەندا يارى نەكرد ئەگەرى زۆرە لە دێربى مەدريديش يارى نەكات ئەويش بەهۆى ئەو پێكانەى لە ئاستى پاژنەى پێى دووچارى بوە.

رۆژنامەى ئاس ئاماژەى بۆ ئەوەشكردوە يانەى رياڵ مەدريد بە سەركردايەتى زينەدين زەيدانى فەرەنسى لە تەنگەژەدايە ئەگەر كۆڤاسيچ تا كاتى دێربى چاك نەبێتەوە, لە هەمانكاتيشدا لە تواناكانى تۆنى كرووس و كاسيمێرۆ كە لە ناوەند يارى دەكەن بێبەشە و هەربۆيە پێكان و دووركەوتنەوەى كۆڤاسيچ كێشەيەكى گەورە لە بەردەم زيزۆ دروست دەكات.

يارى دێربى مەدريد رۆژى شەمە ١٩/١١/٢٠١٦ كاتژمێر ١٠:٤٥ى شەو بەكاتى هەرێمى كوردستان لە هەفتەى ١٢ى خولى پلە يەكى ئسپانيا لە نێو ياريگاى تايبەت بە ئەتلەتيكۆمەدريد ئەنجام دەدرێت.

كۆمێنت لەسەر ئەم بابەتە بنوسە

ئيمەيڵەكەت پارێزراو دەبێت و دەرناكەوێت. *

*