Home / كوردستان / یەكێتی تۆپی پێی كوردستان چەند بڕیار و راسپارده‌یه‌كی گرینگی راگەیاند

یەكێتی تۆپی پێی كوردستان چەند بڕیار و راسپارده‌یه‌كی گرینگی راگەیاند

رۆژی یەكشەممە 20/11/2016 بەئامادەبوونی سەرۆك و جێگر و گشت ئەندامانی یه‌كێتی تۆپی پێی كوردستان، كۆبوونەوەی ئاسایی خۆی ئەنجامدا و چەند بڕیار و راسپارده‌یه‌كی گرنگی راگەیاند كە بەم شێوەيەى خوارەوەيە:

١- لێژنەی ئۆڵۆمپی هه‌رێمی كوردستان بە نووسراوی ژمارە (٦٢١) لە بەرواری (١٤/١١/٢٠١٦) رەزامەند بوو له‌سه‌ر:

  •  دەست لەكاركێشانەوەی بەرێز (هونەر جوهەر محەمەد) لە پۆستی ئەمینداری دارایی یەكێتی تۆپی پێی كوردستان.
  • دەستبەكاربوونی بەرێز (عەدنان عەبدولرەحمان نوری) وەك ئەمینداری دارایی یەكێتی تۆپی پێی كوردستان.

٢- ئاگاداری كۆتایی بۆ یانه‌كانی (كفری و سەیدسادق)، پێويستە جەمارەكەيان كۆنترۆڵ بكەن، به‌ پێچه‌وانه‌وه‌ لە یارییەكانی داهاتوویان تووشی سزای توند دەبن.

٣- داوا لە دەستەی كارگێری یانەی سەیدسادق دەكەین، كە نوێنەریان سەردانی یاریگه‌ی (زانكۆ) ـی سلێمانی بكەن، بە مەبەستی چاككردنەوەی شوێنه‌ زەره‌رمەندەكانی یاریگه‌، بە هاوكاری لە بەرێوەبەرانی یاریگه‌كه‌.

٤- سوپاس و پێزانینمان بۆ سەرۆكایەتی زانكۆی سلێمانی و یەكەی وەرزشی و بەرێوەبەران و كارمەندانی یاریگه‌ی زانكۆ، كه‌ هاوكار و پشتگیری بەردەوامیان لە ئەنجامدانی یارییەكان و چاڵاكییەكانی یەكێتی تۆپی پێی كوردستان هه‌بووه‌.

٥- ئاگاداری كۆتایی بۆ یاریزانی یانەی پێشمەرگەی هەولێر (تاڵب رەقیب) بە رێزگرتن لە سەرپەرشتیار و دەستەی ناوبژیوانان، به‌ پێچه‌وانه‌وه‌ لە یارییەكانی داهاتووی یانەكەیان تووشی سزای توند دەبێت.

٦- ئاگاداری كۆتایی بۆ یانەی كەركووك بۆ كۆنترۆلكردنی جەماوەرەكەیان، به‌ پێچه‌وانه‌وه‌ لە یارییەكانی داهاتووی یانەكەیان تووشی سزای توند دەبن.

٧- ئاگاداری راهێنەری گۆڵپارێزی یانەی سیروانی نوێ (كامەران عومەر) دەكەینه‌وه‌، كە رێز لە بریارەكانی دەستەی ناوبژیوانانی یارییەكانی یانه‌كه‌یان بگرێت، بەپێچەوانەوە تووشی سزای توند دەبێت.

٨- بانگهێشتكردنی سەرپەرشتیاری یاری نێوان (كەركووك و سیروانی نوێ)، لە كۆبوونەوەی دادێی یەكێتیەكەمان رۆژی شەممە (٢٦/١١/٢٠١٦) كاتژمێر ١١ـی نیوەرۆ ئامادە بێت.

٩- بریاردرا یاری نێوان (دووكان و شەقڵاوە) لە خولی یانه‌ پلەدووەكانی تۆپی پێی كوردستان، رۆژی یەكشەممە (٢٧/١١/٢٠١٦) ئەنجام بدرێت.

كۆمێنت لەسەر ئەم بابەتە بنوسە

ئيمەيڵەكەت پارێزراو دەبێت و دەرناكەوێت. *

*