Home / كوردستان / یەكێتی تۆپی پێی كوردستان چەند بڕيار و ڕاسپاردەى نوێى ڕاگەياند

یەكێتی تۆپی پێی كوردستان چەند بڕيار و ڕاسپاردەى نوێى ڕاگەياند

ئەمڕۆ شەممە لە بارەگای تايبەتى خۆی لە شارى هەولێر یەكێتی تۆپی پێی كوردستان كۆبوونەوەی هەفتانەى خۆى ئەنجامداو لە كۆبونەوەكەشدا چەند بڕيار و ڕاسپاردەیەكی نوێى ڕاگەياند
 
١- پیرۆزبایی لە ناوبژیوان یوسف سەعید دەكەین بە بۆنەی بوونی بە ناوبژیوانی نێودەوڵەتی بەهیوای سەركەوتن و هۆكارێك بێت بۆ پێشكەوتنی ئاستی ناوبژیوانانی كوردستان.
٢- بەهۆی ڕووداوەكانی یاری نێوان هەردوو یانەی هەولێر و برایەتی لە خولی نایابی پێشمەرگەی كوردستان بۆ تۆپی پێ، بەهۆی ووتنی ووشەی ناشیرین و دوور لە گیانی وەرزشی لە لایەن سەرپەرشتیاری یانەی برایەتی حەسەن سەلیم بریاردرا.
 
أ-دوورخستنەوەی لە ئامادەبوون لە نێو یاریگا لەگەڵ تیپەكەی لە یاری داهاتووی یانەی برایەتی.
ب- غەرامكردنی بەبری (٢٥٠٠٠٠) دوو سەد و پەنجا هەزار دینار.
ج- ئاگاداری كۆتایی بۆ دووبارنەكردنەوەی ئەم كردارانە بە پێچەوانەوە سزایەكە قورستر دەبێت.
 
٣- پێویستە خەرجی سزاكان لە خولی نایابی پێشمەرگەی كوردستان پێش دەستپێكی یاری داهاتوو بخرێتە خەزینەی یەكێتیەكەمان.
٤- بەهۆی رووداوەكانی یاری نێوان هەردوو یانەی نەورۆز و گازی باكوور لە خولی نایابی پێشمەرگەی كوردستان بریاردرا.
 
أ- راگرتنی یاریزانی یانەی نەورۆز پرسیار عەبدولرەزا ژمارە (١٠) تا كۆتایی قۆناغی یەكەمی خولی نایابی پێشمەرگەی كوردستان بەهۆی ووتنی قسەی ناشیرین و هەرەشە و لێدان و غەرامكردنی بە بری (١٥٠٠٠٠) سەد و پەنجا هەزار دینار.
ب- غەرامكردنی یانەی نەورۆز بە بری (٥٠٠٠٠٠) پێنج سەد هەزار دینار بەهۆی گرفتی جەماوەر و كۆنترۆلنەكردنیان لە یاریگا و هاوێشتنی دەبەی ئاو بۆ نێو یاریگا.
ج- سوپاس و پێزانین ئاراستەی دەستەی كارگێری یانەی نەورۆز دەكەین بەهۆی هەڵوێست و هاوكاریكردنی لەگەڵ سەرپەرشتیار و ناوبژیوانان و نواندنی رەوشتی بەرزی وەرزشی لە یارییەكە.
د- ئاگاداری كۆتایی بۆ یانەی نەورۆز بەكۆنترۆلكردنی و رێكخستنی یاریگا بەشێوەیەكی جوان بە پێچەوانەوە سزاكان قورستر دەبێت.
 
٥- داوا لە بەرێز دكتۆر سامی عەزیز سەرۆكی یانەی برایەتی دەكەین، كە رۆژی شەممە (٣-١٢-٢٠١٦) كاتژمێر ١٢ی نیوەرۆ لە بارەگای یەكێتیەكەمان ئامادەبێت بەمەبەستی میوانداری بۆ گفتوگۆكردن لەسەر چۆنیەتی رێكخستن و رێكاری یاریگا یانەكەیان تا بەشێوەیەكی جوان و رێك و بێ گرفت یارییەكان ئەنجام بدرێت.
 
جێگەی باسە ئەمە سێیەم جارە ناوبراو ئاگاداردەكرێتەوە، بەڵام ئامادە نابێت هیوادارین لە كۆبوونەوەی داهاتوو ئامادە بێت بەپێچەوانەوە ناچار دەبین بریاری پێویست لەمباریەوە بدەین.
سەرچاوە // سايتى يەكێتى تۆپى پێى كوردستان

كۆمێنت لەسەر ئەم بابەتە بنوسە

ئيمەيڵەكەت پارێزراو دەبێت و دەرناكەوێت. *

*